Կալիֆորնիա կատարած աշխատանքային այցի շրջանակներում, դեսպան Նարեկ Մկրտչյանը այցելել է «NVIDIA» ընկերության կենտրոնակայան և հանդիպում ունեցել ընկերության փոխնախագահ Ռեվ Լիբարիդյանի հետ

19 նոյեմբերի, 2025

Նոյեմբերի 19-ին, Կալիֆորնիա կատարած աշխատանքային այցի շրջանակներում, դեսպան Նարեկ Մկրտչյանը այցելել է «NVIDIA» ընկերության կենտրոնակայան և հանդիպում ունեցել ընկերության փոխնախագահ Ռեվ Լիբարիդյանի հետ։

Հանդիպման ընթացքում դեսպանը շրջայց է կատարել կենտրոնակայանում, ծանոթացել «NVIDIA»-ի գործունեությանը և տեխնոլոգիական վերջին ձեռքբերումներին։ Ռեվ Լիբարիդյանը դեսպանին ներկայացրել է «NVIDIA»-ի այն նորագույն տեխնոլոգիաները, որոնք նախատեսվում է կիրառել «Firebird» ընկերության և «NVIDIA»-ի առաջիկայում կառուցվելիք արհեստական բանականության (ԱԲ) գործարանում։

Զրուցակիցները քննարկել են «NVIDIA»–ի հետ համագործակցության ներկայիս փուլը, ինչպես նաև դրա ընդլայնման հեռանկարները։ Ընդգծվել է հնարավոր համատեղ նախաձեռնությունների կարևորությունը՝ կրթական, հետազոտական և բարձր տեխնոլոգիական ոլորտներում։

Զրուցակիցները վերահաստատել են փոխադարձ պատրաստակամությունը՝ խորացնելու առկա համագործակցությունը և ձևավորելու գործնական քայլերի օրակարգ՝ ուղղված երկկողմ համագործակցության ամրապնդմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր