Գրքի շնորհանդեսի վերաբերյալ

23 հունիսի, 2022

Ս.թ. հունիսի 23-ին դեսպանությունում կայացավ դեսպան Մայքլ Գֆոելլերի՝ ՙՙՀնագիտության նոր ոսկեդարը. Հայաստանում վերջին հայտնագործությունները՚՚ գրքի շնորհանդեսը:

Գիրքը ներառում է ոչ միայն Հայաստանի տարբեր վայրերում վերջին շրջանում կայացած պեղումների արդյունքում հայտնաբերված գտածոների նկարագրությունը, այլև դրանց նկարները, որոնց շնորհիվ պատկերացում ենք կազմում մեր նախնիների վարած առօրյա կենսակերպի վերաբերյալ:

Դեսպան Գֆոելլերը հակիրճ ներկայացրեց գրքի բովանդակությունն ու իրենց կատարած անգնահատելի աշխատանքն ու հատուկ անդրադարձ կատարեց հնագույն շրջանում հայկական գինեգործությանը:

Դեսպան Մակունցը շնորհակալություն հայտնեց դեսպան Գֆոելլերին վերջինիս գրքի համար, հատուկ ընդգծելով այն ահռելի աշխատանքը, պեղումներն ու համապատասխան գիտագործնական հետազոտությունները, որոնք հիմք են ծառայել այս գրքի հրապարակման համար:

Գրքի ներկայացումն ամփոփվեց հարցուպատասխանի ձևաչափով:

* Դեսպան Գֆոելլերը 26 տարի աշխատել է ԱՄՆ արտաքին քաղաքականության ծառայությունում: Աշխատանքի ընթացքում ծառայել է Սաուդյան Արաբիայում, Բահրեյնում, Իրաքում, Ռուսաստանում, Հայաստանում, Մոլդովայում, Լեհաստանում և Բելգիայում: Եղել է գեներալ Դեյվիդ Փաթրեուսի Գլխավոր քաղաքական խորհրդականը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր