Լուրեր

28.06.2018 • Հայաստանի Հանրապետության 100-ամյակին նվիրված միջոցառումը և ԱՄՆ-ում ՀՀ առաջին դեսպան Արմեն Գարոյի կիսանդրու բացման արարողությունը Վաշինգտոնում ՀՀ դեսպանությունում

Ս.թ. հունիսի 28-ին ԱՄՆ-ում ՀՀ դեսպանությունում տեղի ունեցավ Հայաստանի Հանրապետության 100-ամյակին նվիրված միջոցառում` մասնակցությամբ Հայաստանի Նախագահ Արմեն Սարգսյանի ու Առաջին տիկին Նունե Սարգսյանի:

26.06.2018 • Հայաստանի Հանրապետության Նախագահ Արմեն Սարգսյանի մասնակցությունը ԱՄՆ Սենատում տեղի ունեցած ընդունելությանը

Ս.թ. հունիսի 26-ին եռօրյա աշխատանքային այցով ԱՄՆ է ժամանել Հայաստանի Հանրապետության Նախագահ Արմեն Սարգսյանը: Այցի առաջին օրը Նախագահն ու Առաջին տիկինը մասնակցել են ԱՄՆ Սենատում ՀՀ դեսպանության, ՀՅԴ Արևելյան Ամերիկայի կենտրոնական կոմիտեի ու Վաշինգտոնի Հայ դատի գրասենյակի կողմից կազմակերպված ընդունելությանը` նվիրված Հայաստանի Հանրապետության ու հայ-ամերիկյան դիվանագիտական հարաբերությունների 100-ամյակին:

22.03.2018 • Չիկագոյում բացվեց ՀՀ պատվո հյուպատոսություն

Մարտի 22-ին տեղի ունեցավ Չիկագոյում Հայաստանի Հանրապետության պատվո հյուպատոսության բացման պաշտոնական արարողությունը (հյուպատոսական շրջանը ներառում է ԱՄՆ Իլինոյ, Միսուրի, Այովա, Վիսկոնսին ու Մինեսոտա նահանգները): Չիկագոյի կենտրոնում գտնվող Հայաստանի նոր հյուպատոսական ներկայացուցչությունում տեղի ունեցած բացման ու պատվո հյուպատոս Օսկար Թաթոսյանի պաշտոնավարման մեկնարկի ազդարարման հանդիսավոր արարողությանը հաջորդեց դիվանագիտական ընդունելություն Չիկագոյի պատմական ‘Union League Club’-ում:

19.03.2018 • Հայ-ամերիկյան առևտրի և ներդրումների խորհրդի նիստը Վաշինգտոնում

Մարտի 19-ին Վաշինգտոնում՝ ԱՄՆ Առևտրային ներկայացուցչի գրասենյակում, տեղի ունեցավ Հայ-ամերիկյան առևտրի ու ներդրումների խորհրդի նիստը, որին հայկական պատվիրակության կազմում մասնակցեց արտաքին գործերի նախարարի տեղակալ Ռոբերտ Հարությունյանը: Հայ-ամերիկյան առևտրի ու ներդրումների խորհրդի հիմնադրումից ի վեր (2015թ.) կողմերի միջև սա երկրորդ հանդիպումն էր:

05.03.2018 • Վաշինգտոնի Ֆրանկոֆոնիայի փառատոնի բացման հանդիսավոր արարողություն ԱՄՆ-ում ՀՀ դեսպանությունում

Մարտի 5-ին ԱՄՆ-ում ՀՀ դեսպանությունում տեղի ունեցավ Վաշինգտոնի Ֆրանկոֆոնիայի փառատոնի բացման հանդիսավոր արարողությունը: Միջոցառմանը ներկա էին Ֆրանկոֆոնիայի միջազգային կազմակերպության անդամ պետությունները ներկայացնող դեսպաններ ու դիվանագետներ, պետքարտուղարության բարձրաստիճան պաշտոնյաներ, Վաշինգտոնում «Ալյանս Ֆրանսեզ» կենտրոնի, «Սմիթսոնիան» հաստատության և այլ մշակութային կենտրոնների ներկայացուցիչներ:

24.10.2017 • ՀՀ անկախության 26-ամյակին ու ՀՀ-ԱՄՆ հարաբերությունների հաստատման 25-ամյակին նվիրված միջոցառում ԱՄՆ Կոնգրեսում

Հոկտեմբերի 24-ին ԱՄՆ Կոնգրեսի Ռեյբըրն մասնաշենքում տեղի ունեցավ Հայաստանի Հանրապետության անկախության 26-ամյակին ու ՀՀ-ԱՄՆ դիվանագիտական հարաբերությունների հաստատման 25-ամյակին նվիրված ընդունելություն, որը կազմակերպվել էր ԱՄՆ-ում ՀՀ դեսպանության ու Կոնգրեսի Հայկական հարցերով հանձնախմբի կողմից` Ամերիկայի հայկական համագումարի ու Ամերիկայի հայ դատի հանձնախմբի համագործակցությամբ:

16.10.2017 • ՀՀ փոխվարչապետ Վաչե Գաբրիելյանի հանդիպումը Քալիֆորնիայի նահանգապետ Ջերի Բրաունի հետ

Հոկտեմբերի 16-ին Հայաստանի Հանրապետության փոխվարչապետ Վաչե Գաբրիելյանը Սան Ֆրանցիսկոյում հանդիպել է Քալիֆորնիայի նահանգապետ Ջերի Բրաունի հետ` քննարկելու Հայաստան-Քալիֆորնիա հարաբերությունները, մասնավորապես` երկկողմ առևտրաշրջանառության ծավալների ընդլայնման հնարավորությունները, ինչպես նաև համագործակցությունը վերականգնվող էներգետիկայի, գիտության ու կրթության ոլորտներում: Կողմերը պայմանավորվածություն են ձեռք բերել սկսելու Հայաստանի ու Քալիֆորնիայի միջև շրջանակային համաձայնագրի մշակման գործընթացը, որը կուրվագծի հետագա...

27.06.2017 • Հայաստանի ու ԱՄՆ-ի միջև դիվանագիտական հարաբերությունների հաստատման 25-ամյակին նվիրված միջոցառում «Քարնեգի» հաստատությունում

Հունիսի 27-ին ԱՄՆ մայրաքաղաք Վաշինգտոնի հանրահայտ հետազոտական կենտրոններից մեկում` «Քարնեգի հիմնադրամ» հաստատությունում, տեղի ունեցավ քննարկում` նվիրված Հայաստանի Հանրապետության և Ամերիկայի Միացյալ Նահանգների միջև դիվանագիտական հարաբերությունների հաստատման 25-ամյակին:

24.06.2017 • ԱՄՆ-ում ՀՀ դեսպան Գրիգոր Հովհաննիսյանի հանդիպումները Սիլիկոնյան հովտում

Հունիսի 23-24-ին ԱՄՆ-ում ՀՀ դեսպան Գրիգոր Հովհաննիսյանն այցելել է Սիլիկոնյան հովիտ, որտեղ մի շարք հանդիպումներ է ունեցել տեղեկատվական տեխնոլոգիաների ոլորտում առաջատար դիրքեր զբաղեցնող ընկերությունների հետ ու նրանց հետ քննարկել Հայաստանի հետ համագործակցությունն ընդլայնելու ուղիներն այնպիսի ոլորտներում, ինչպիսին են արհեստական բանականությունը, քվանտային համակարգերն ու կիբերանվտանգությունը:

06.06.2017 • ԱՄՆ-ում ՀՀ դեսպանությունում տեղի ունեցավ հանդիպում Պետքարտուղարության բարձրաստիճան պաշտոնյաների հետ

Հունիսի 6-ին ԱՄՆ-ում ՀՀ դեսպան Գրիգոր Հովհաննիսյանը հանդիպում ունեցավ ԱՄՆ պետքարտուղարի՝ եվրոպական և եվրասիական հարցերով փոխտեղակալ Բրիջիթ Բրինքի, Կովկասի ու տարածաշրջանային հակամարտությունների հարցերով գրասենյակի տնօրեն Նատաշա Ֆրանչեսկիի, Հայաստանի հարցերով պատասխանատու Թեդ Մասիի, ինչպես նաև Հայաստանում ԱՄՆ դեսպանի տեղակալ Ռաֆիկ Մանսուրի հետ:

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր