ԱՄՆ-ում ՀՀ դեսպան Տիգրան Սարգսյանի ողջույնի խոսքը՝ ՀՀ անկախության 23-րդ տարելիցին նվիրված ընդունելության ժամանա (Լոս Անջելես)

01 հոկտեմբերի, 2014

Սրբազան հայրեր,

Պարոն գլխավոր հյուպատոս,

Հարգարժան հյուրեր,

Սիրելի հայրենակիցներ,

Թույլ տվեք շնորհավորել բոլորին Հայաստանի Հանրապետության անկախության 23-րդ տարեդարձի կապակցությամբ: Մեր ժողովրդի համար այս լուսավոր տոնի կապակցությամբ Լոս Անջելեսի, Քալիֆորնիայի և Ամերիկայի Միացյալ Նահանգների հայ համայնքին մաղթում եմ երջանկություն և բարօրություն:

Անկախությունը մեզ համար բացարձակ արժեք է: Այն սեփական ճակատագիրը ինքնուրույն կերպով տնօրինելու միջոց է: Ուստի մենք պետք է փայփայենք մեր անկախ պետականությունը, ծառայենք և ջանք չխնայենք նրա ամրապնդման համար:

Հայաստանի երրորդ հանրապետության կերտումը ոգեշնչվեց և ոգեպես սնուցվեց 1918-20 թվականների մեր առաջին հանրապետությունից: Չլինեին այդ հերոսական տարիները, չէր լինի նաև այսօրվա անկախությունը: Չլիներ մեր նախնինների զոհողությունը, որոնք արյան և անասելի զրկանքների գնով պահպանեցին մեր հայրենի երկրի այդ հողակտորը, հնարավոր չէին լինի նաև այսօրվա նվաճումները:

Անկախության 23 տարիների ընթացքում մենք անցանք իրադարձություններով լի մի ճանապարհ: Ունեցանք և՛ վերելքներ, և՛ վայէջքներ: Մեր ազգի համար ճակատագրական նշանակություն ունեցող ձեռքբերում էր Լեռնային Ղարաբաղի անկախության նվաճումը: Թե՛ ռազմի դաշտում և թե՛ հետագայում միջազգային ասպարեզում մենք կարողացել ենք պաշտպանել այդ հիրավի հսկայական ձեռքբերումը: Դժվարին պայմաններում մեզ հաջողվել է ստեղծել ազգային բանակ և կերտել պետականության հիմքերը:

Այս ամենում, անշուշտ, հսկայկան է հայկական սփյուռքի ներդրումը: Անուրանալի է հատկապես Ամերիկայում ապրող մեր հայրեկանիցների դերն ու նշանակությունը մեր ունեցած բոլոր հաղթանակներում ու նվաճումներում: Օգտվելով առիթից՝ ցանկանում եմ խորը երախտագիտու¬թյան խոսքեր հայտնել Ձեզ և կոչ անել մշտապես կանգնել Հայաստան պետության կողքին և էլ ավելի ընդլայնել Ձեր մասնակցությունն ու ներդրումը հայրենիքի զարգացման ու ամրապնդման գործում:

Դուք եռապատկում ու քառապատկում եք Հայաստանի ուժը: Հայաստանն առանց սփյուռքի մեկ բան է, սփյուռքի հետ միասին՝ բացարձակապես այլ բան: Մեզ միավորողը պետք է լինի մեր պատմական հիշողությունը, մեր ժողովրդի ամենաողբերգական էջի՝ Մեծ Եղեռնի հետևանքների վերացման գաղափարը:
Հարգելի հայրենակիցներ:

Որոնք են մեր պետության այսօրվա մարտահրավերները: Ի՞նչն է մեզ ամենից շատն այսօր մտահոգում: Մեր ամենակարևոր խնդիրը մեր սահմանների պաշտպանությունն ու մեր հայրենիքի անվտանգության ապահովումն է:
Այս տարվա ամռանը, հրադադարից հետո անցած 20 տարիների ընթացքում, մենք ավելի քան երբևէ մոտ էինք կանգնած պատերազմի վերսկսման վտանգին:
Լեռնային Ղարաբաղի կարգավորման բանակցություն¬ներում չհասնելով որևէ հաջողության՝ Ադրբեջանն անցել էր բացահայտ սադրանքների, որոնց նպատակը մեկն էր՝ պատերազմի վերսկսումը: Հպարտությամբ, սակայն, կարող ենք ասել, որ այդ սադրանքին մեզ հաջողվեց տալ արժանի հակահարված և թշնամուն ետ ուղարկել իր որջը:

Հարգելի հայրենակիցներ,

Մեր ժողովուրդը ցեղասպանություն է վերապրել: Այդ ողբերգությունը անջնջելի հետք է թողել մեր պատմական հիշողության և աշխարհընկալման մեջ: Այն արտահայտվում է մեր կյանքի գրեթե բոլոր դրսևորումներում: Ուստի պատահական չէ, որ մեր ժողովուրդը, առավել քան որևէ այլ մեկը, զգայուն է անվտանգության խնդիրների նկատմամբ: Ցավոք, այսօր մենք տեսնում ենք, որ Ադրբեջանը, իր հավատարիմ դաշնակից՝ Թուրքիայի հետ միասին, դավեր է նյութում մեր նկատմամբ: Մենք վերստին կանգնած ենք անվտանգության սպառնալիքի արջև: Ընդորում, դա տեղի է ունենում Մեծ Եղեռնի 100-ամյա տարելիցի շեմին, և չի կարող մեր մեջ չարդնացնել համապատասխան զգացմունքներ:

Քանի դեռ Թուրքիան շարունակում է ժխտողականության քաղաքականությունը և մերժում է ժանաչել Հայոց ցեղասպանությունը,

- քանի դեռ Ադրբեջանը Լեռնային Ղարաբաղի հիմնախնդրին ռազմական լուծում գտնելու հույսեր է փափագում և պատրաստություններ է տեսնում այդ ուղղությամբ,

- քանի դեռ այդ երկու երկրները ձգտում են ծնկի իջեցնել Հայաստանին ու ստիպել գնալ զիջումների՝ մեր գոյատևման համար կենսական նշանակություն ունեցող հարցերում, մենք չենք կարող համարել, որ ավարտվել է պատերազմը, որ վերացել է հայ ժողովրդի նկատմամաբ նոր ցեղասպանության սպառնալիքը:

Դիմագրավել այս սպառնալիքին և հաղթանակով դուրս գալ այս իրավիճակից կարելի է միայն միասնական ճակատով, ուժերի համախմբմամբ՝ առաջնորդվելով միասնականության ու համերաշխության ոգով:

Ավարտելով խոսքս, հարգելի հայրենակիցներ, վերստին ցանկանում եմ շնորհվորել Հայաստանի Հանրապետության անկախության տարեդարձի կապակցությամբ:

***

Today we celebrate the 23-rd anniversary of the Independence of the Republic of Armenia. The path of the Independence has never been easy; throughout the last 23 years Republic of Armenia has had many ups and downs, but one thing I would like to emphasize here is that the Independence of Armenia, the path of development as a democratic state with market economy, with the protection of human rights and other fundamental freedoms is an irreversible process. In this regard the technical and financial assistance provided by the United States has always been of crucial importance, and we are grateful to the US Government for its generosity and permanent support.

Today Armenia faces many hard challenges, such as the continuous blockade of the country by Turkey and Azerbaijan, the unresolved status of Nagorno Karabakh Republic, the warmongering and militaristic statements from the Azerbaijani leadership and recent violations of the cease-fire, the continuous denial of the Armenian Genocide.

Ankara has recently declared publicly that it would ratify Armenian-Turkish protocols only if Armenians ceded Nagorno Karabakh, the free Artsakh, to Azerbaijan. In response to this statement, Armenian President Serzh Sargsyan in his speech delivered few days ago at the United Nations General Assembly emphasized that, I quote, it is in this circumstances that currently the official Yerevan seriously considers the issue of recalling the Armenian-Turkish protocols from the parliament, end of quote.

This means that the war is not over. This is a fight for dignity, justice and the right of self-determination. Our choice for freedom and independence is unshakeable.
We confident that our cause is just and through joint and coordinated efforts we – the citizens of Armenia and our brothers and sisters from the Diaspora - will succeed in overcoming all the difficulties and challenges and will strengthen our Motherland.

My heartfelt congratulations to all of you on this wonderful day of Armenia’s independence.

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր