Դեսպան Նարեկ Մկրտչյանը հանդիպում է ունեցել Ջորջթաունի համալսարանի համալսարանի մի խումբ ուսանողների հետ

23 մարտի, 2026

Դեսպան Նարեկ Մկրտչյանը հանդիպում է ունեցել Ջորջթաունի համալսարանի համալսարանի մի խումբ ուսանողների հետ, ներկայացրել ՀՀ–ԱՄՆ երկկողմ հարաբերությունների ընթացիկ օրակարգը, պատասխանել ուսանողներին հետաքրքրող հարցերին։

Մարտի 23–ին կայացած հանդիպման շրջանակում դեսպան Մկրտչյանն անդրադարձել է «Միջազգային խաղաղության և բարգավաճման Թրամփի ուղի» նախաձեռնությանը՝ ընդգծելով հաղորդակցության, առևտրի և փոխկապակցվածության նոր ուղիների զարգացման կարևորությունը։ Վերջինս մանրամասներ է ներկայացրել ՀՀ–ԱՄՆ երկկողմ հուշագրերի և դրանց գործնական նշանակության մասին, անդրադարձել նաև համագործակցության հնարավորություններին՝ արհեստական բանականության, կիսահաղորդիչների, էներգետիկայի, կարողությունների զարգացման ոլորտներում։

Հանդիպման ավարտին դեսպանը պատասխանել է ուսանողների հարցերին, որոնք վերաբերում էին հայ-ամերիկյան քաղաքական և տնտեսական հարաբերություններին, տարածաշրջանային զարգացումներին, հայ համայնքին, արհեստական բանականության կիրառման հեռանկարներին և այլ հարցերի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր