ԱՄՆ-ում ՀՀ դեսպանությունում տեղի ունեցավ «Հայ-ամերիկյան գործընկերության մեջ գրողների դերը» խորագրով քննարկում

28 մայիսի, 2023

ԱՄՆ-ում ՀՀ դեսպանությունում տեղի ունեցավ «Հայ-ամերիկյան գործընկերության մեջ գրողների դերը» խորագրով քննարկում, որին մասնակցում էին “PEN America” կազմակերպության ներկայացուցիչ Պոլինա Սոդովսկայան և “PEN Armenia” կազմակերպության ղեկավար, գրող Արմեն Օհանյանը։

Իր բացման խոսքում դեսպան Մակունցն անդրադարձավ Հայաստանում խոսքի ազատության և ազատ ստեղծագործելու հնարավորություններին, հիմնական զեկուցողներն անդրադարձան հայ-ամերիկյան գրական հարաբերություններին, նշեցին երկկողմ համագործակցության կարևորությունը և վերջին տարիների ակտիվությունը, խոսեցին ամերիկյան գրական շրջանակներում հայ գրողների ներգրավվածության մասին (Վիլիամ Սարոյան, Քրիս Բոհջալյան, Փիթեր Բալաքյան և այլոք)՝ շեշտելով վերջիններիս ավանդը աշխարհում հայ մշակույթը ճանաչելի դարձնելու գործում։

Միջոցառման ընթացքում ջազային ստեղծագործությունների կատարմամբ հանդես եկավ անվանի դաշնակահար Լևոն Միքայելյանը, որպես տնտեսական համագործակցության օրինակ՝ միջոցառման ընթացքում ԱՄՆ-ում «Արարատ» կոնյակի գործարանի ներկայացուցիչ Կարեն Մայմարյանի կողմից ներկայացվեց հայկական կոնյակը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր