Հայաստանի անկախության 20 ամյակին նվիրված միջոցառումների շարք ԱՄՆ քաղաքներում

12 մարտի, 2011

Ի նշանավորումն Հայաստանի Հանրապետության անկախության 20-ամյակին նվիրված միջոցառումների շարքի մեկնարկի` մարտի 11-ին Բոստոնում, մարտի 12-ին Նյու Ջերսիում եւ մարտի 13-ին Վաշինգտոնում տեղի ունեցան առաջին համայնքային միջոցառումները: Միջոցառումները, որոնք ուղեկցվում էին տոնական համերգներով, կազմակերպվել էին Համազգային Հայ կրթական եւ մշակութային միության կողմից:

Ելույթ ունենալով Վաշինգտոնում կազմակերպված բազմամարդ միջոցառմանը` ԱՄՆ-ում ՀՀ դեսպան Թաթուլ Մարգարյանը ընդգծեց, որ մեր ազգային միասնությունը, Հայաստանի անկախ պետականության շուրջ ողջ ազգի համախմբվածությանը լավագույն երաշխիքն են հասնելու մեր ազգային իղձերի իրականացմանը:

Հանդիսավոր մասից հետո շնորհաշատ հայ երիտասարդ երաժիշտները (“Element Band”) հանդես եկան հայկական ժողովրդական երգերի իրենց ուրույն մեկնաբանությամբ` երգերին հաղորդելով ժամանակակից շունչ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր