Ըստ Տնտեսական ազատության 2013թ. ինդեքսի՝ Հայաստանի ցուցանիշը հերթական անգամ բարձր է եվրոպական միջին ցուցանիշից

19 փետրվարի, 2013

2013թ. փետրվարի 19-ին Heritage հիմնադրամը եւ The Wall Street Journal-ը հրապարակեցին աշխարհում տնտեսական ազատության եւ ներդրումային միջավայրի համատեղ ուսումնասիրությունը, որը հայտնի է որպես Տնտեսական ազատության ինդեքս:

Հայաստանը 177 երկրների շարքում զբաղեցնում է 38-րդ տեղը, ինչը բարձր է համաշխարհային եւ եվրոպական միջին ցուցանիշից: Տնտեսական ազատության ինդեքսի՝ Հայաստանին վերաբերող հատվածում, մասնավորապես, նշվում է, որ «Հայաստանի տնտեսական ազատության ցուցանիշը 69.4 է, որը վերջինիս վերագրում է ամենաազատ տնտեսության 38-րդ տեղը 2013 Ինդեքսում: Անցած տարվա համեմատ երկրի ընդհանուր ցուցանիշը բարելավվել է 0.6 միավորով: Հայաստանը զբաղեցնում է 17-րդ տեղը եվրոպական տարածաշրջանի 43 երկրների շարքում, որը բարձր է համաշխարհային միջին ցուցանիշից: Տնտեսական հիմքի նշանակալի դիվերսիֆիկացման հիման վրա մեծացրել է Հայաստանի տնտեսական դինամիկան, իսկ տասնամյակի տնտեսական ամուր զարգացումը նպաստել է աղքատության եւ գործազրկության ցուցանիշների կրճատմանը»:

Հատկանշական է, որ Հայաստանի տնտեսական ազատության ցուցանիշը նշանակալիորեն բարձր է ԱՊՀ երկրների ցուցանիշներից:

Տնտեսական ազատության ցուցանիշի Հայաստանին վերաբերող հատվածը հասանելի է այստեղ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր