Սումգայիթի ոճրագործության 25-ամյա տարելիցին նվիրված միջոցառում Վաշինգտոնում

03 մարտի, 2013

Սումգայիթի ոճրագործության 25-ամյա տարելիցին նվիրված միջոցառումների շարքում մարտի 3-ին Վաշինգտոնի Հայ առաքելական Սուրբ Մարիամ Աստվածածին եկեղեցում, ԱՄՆ-ում ՀՀ դեսպանության եւ ԼՂՀ ներկայացուցչության հովանու ներքո մատուցվեց պատարագ եւ տեղի ունեցավ հիշատակի միջոցառում` նվիրված անմեղ զոհերի հիշատակին: Միջոցառմանը մասնակցում էին ԱՄՆ-ում ՀՀ դեսպանության եւ ԼՂՀ ներկայացուցչության աշխատակիցներ, հայ համայնքի բազմաթիվ ներկայացուցիչներ:

Սուրբ Մարիամ Աստվածածին եկեղեցու հոգեւոր հոր պատգամից հետ ելույթներով հանդես եկան ԱՄՆ-ում ՀՀ դեսպան Թաթուլ Մարգարյանը եւ ԼՂՀ ներկայացուցիչ Ռոբերտ Ավետիսյանը, որոնք իրենց խոսքում, մասնավորապես, ընդգծեցին Ադրբեջանի կողմից Սումգայիթում եւ այլ բնակավայրերում հայերի դեմ իրականացված ոճրագործությունների ոգեկոչման արարողությունների կարեւորությունը Սփյուռքում, հատկապես Ադրբեջանի՝ պատմության վերանայման ուղղությամբ Վաշինգտոնում եւ այլ մայրաքաղաքներում սանձազերծված քարոզչության ֆոնին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր