ԱՄՆ-ում ՀՀ դեսպանի պատվին նվիրված ընդունելություն Սբ. Մարիամ եկեղեցում

17 նոյեմբերի, 2014

Նոյեմբերի 17-ին Վաշինգտոնի Սբ. Մարիամ Հայաստանյայց Առաքելական եղեկեցում տեղի ունեցավ համայնքային ընդունելություն` ի պատիվ ԱՄՆ-ում ՀՀ դեսպան Տիգրան Սարգսյանի: Երեկույթին մասնակցում էին համայնքային տարբեր կառույցների ղեկավարներ եւ անդամներ, ամերիկահայ համայնքի բազմաթիվ ներկայացուցիչներ:

Հայ առաքելական եկեղեցու ԱՄՆ Արեւելյան թեմի առաջնորդ Խաժակ արքեպիսկոպոս Պարսամյանը շնորհավորեց դեսպան Սարգսյանին ԱՄՆ-ում Հայաստանը ներկայացնելու պատասխանատու պաշտոնը ստանձնելու կապակցությամբ` մաղթելով ամենայն հաջողություն իր ազգանվեր առաքելությունում: Արքեպիսկոպոսը համոզմունք հայտնեց, որ դեսպան Սարգսյանը իր հարուստ փորձով եւ մասնագիտական կարողություններով նպաստելու է հայ-ամերիկյան հարաբերությունների առավել ամրապնդմանն ու ընդլայնմանը:

Միջոցառման ընթացքում համայնքի ներկայացուցիչները իրենց բարեմաղթանքները հղեցին դեսպան Սարգսյանին` պատրաստակամություն հայտնելով շարունակելու համակարգված գործունեությունը ԱՄՆ-ում ՀՀ դեսպանության հետ համահայկական խնդիրների լուծման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր