Դեսպան Սարգսյանը հանդիպումը ԱՄՆ Կոնգրեսի անդամ Ֆրենկ Փալոնի հետ

03 դեկտեմբերի, 2014

Դեկտեմբերի 3-ին ՀՀ դեսպան Տիգրան Սարգսյանը հանդիպում ունեցավ ԱՄՆ կոնգրեսական, ԱՄՆ Կոնգրեսի հայկական հարցերով հանձնախմբի համանախագահ Ֆրենկ Փալոնի հետ:

Դեսպան Սարգսյանի խնդրանքով կոնգրեսականը ներկայացրեց Կոնգրեսի հայկական հարցերով հանձնախմբի օրակարգի խնդիրները եւ դրանց ուղղությամբ ձեռնարկվող քայլերը: Այդ համատեքստում ՀՀ դեսպանը բարձր գնահատեց կոնգրեսական Փալոնի անձնական դերակատարությունը Հայոց ցեղասպանության միջազգային ճանաչման եւ Հայաստանին ու Արցախին տրամադրվող քաղաքական եւ տնտեսական աջակցության ապահովման ուղղությամբ:

Կոնգրեսական Փալոնը վերահաստատեց իր հանձնառությունը շարունակելու իր սկզբունքային դիրքորոշումը Հայաստանին եւ հայ ժողովրդին վերաբերող հարցերում:

Զրուցակիները մտքեր փոխանակեցին նաեւ Հայաստանի արտաքին քաղաքականությանը, Լեռնային Ղարաբաղի հիմնախդնրի բանակցային գործընթացում տեղի ունեցած վերջին զարգացումներին եւ տարածաշրջանային անվտանգությանը վերաբերող հարցերի շուրջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր