«Թեւանիկ» ֆիլմի ցուցադրություն Վաշինգտոնում

17 հունվարի, 2015

Հունվարի 17-ին «Համազգային» հայ կրթական և մշակութային միության կողմից Վաշինգտոնի Սբ. Խաչ Հայաստանյայց առաքելական եկեղեցու սրահում կազմակերպվեց Ջիվան Ավետիսյանի "Թեւանիկ" հայ- լիտվական արտադրության ֆիլմի պրեմիերան: Ցուցադրությանը ներկա էին ԱՄՆ-ում ՀՀ դեսպան Տիգրան Սարգսյանը, ԼՂՀ ներկայացուցիչ Ռոբերտ Ավետիսյանը, ամերիկահայ համայնքի բազմաթիվ ներկայացուցիչներ:

Ներկաներին ուղղված իր խոսքում դեսպան Սարգսյանը բարձր գնահատեց նմանօրինակ նախաձեռնությունների իրականացումը, ինչը հնարավորություն է տալիս ավելի լավ ճանաչել Արցախը և բացահայտել արցախյան պատերազմի ընթացքում ի հայտ եկած մարդկային կյանքի տարբեր դրսևորումներ: Դեսպան Սարգսյանը շնորհավորեց ռեժիսոր Ավետիսյանին ֆիլմի հաջող մեկնարկի կապակցությամբ և հաջողություն մաղթեց նրա հետագա գործունեությունում:

Ցուցադրության ավարտին ռեժիսոր Ջիվան Ավետիսյանը ներկայացրեց իր նոր նախագիծը` «Վերջին բնակիչը» եւ պատասխանեց ներկաների բազմաթիվ հարցերի:

Միջոցառման վերաբերյալ «Հայլուր»-ի ռեժորտաժը կարող եք դիտել այստեղ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր