Հայաստանի Հանրապետության դեսպանը հանդիպել է ԱՄՆ պաշտպանության քարտուղարի փոխտեղակալին

12 փետրվարի, 2015

Փետրվարի 12-ին ԱՄՆ-ում ՀՀ դեսպան Տիգրան Սարգսյանը հանդիպում է ունեցել ԱՄՆ պաշտպանության քարտուղարի փոխտեղակալ դոկտոր Էվելին Ֆարկասի հետ: Հանդիպումը, որի ընթացքում դեսպան Տիգրան Սարգսյանին ուղեկցում էին ԱՄՆ-ում ՀՀ պաշտպանության կցորդ գնդապետ Մեսրոպ Նազարյանն և դեսպանորդ Հրաչյա Թաշչյանը, տեղի է ունեցել Պենտագոնում՝ պաշտպանության ոլորտում ընթացող հայ-ամերիկյան համագործակ-ցության շրջանակներում:

Կողմերը քննարկել են հայ-ամերիկյան ռազմական և ռազմաքաղաքական համագործակցության հեռանկարները: Շոշափվել են նաև միջազգային խաղաղությանն ու անվտանգությանը, ինչպես նաև Հարավային Կավկասում տարածաշրջանային անվտանգության խնդիրներին վերաբերող հարցեր:

Ամերիկյան կողմը հավաստիացրել է, որ փորձագիտական օժանդակության տրամադրման, ինչպես նաև կրթության ու վարժանքների միջոցով շարունակելու է Հայաստանին ցուցաբերվող աջակցությունը՝ խաղաղապահ գործողություններում մասնակցելու համար ունակություն¬ների բարձրացման և պաշտպանության համակարգում գործող ինստիտուտների կատարելագործման ուղղությամբ:

Հանդիպման ընթացքում կողմերը ընդգծեցին, որ շարունակելու են համատեղ ջանքերը միջազգային ահաբեկչության դեմ պայքարի և միջազգային խաղաղության ու անվտանգության պահպանության ուղղությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր