Հայոց ցեղասպանության 100-րդ տարելիցին նվիրված միջոցառում Նյու Յորքում

26 ապրիլի, 2015

Ապրիլի 26-ին Հայոց ցեղասպանության 100-րդ տարելիցին նվիրված միջոցառումների շրջանակներում ԱՄՆ Նյու Յորքում քաղաքի Սբ.Վարդան տաճարում Հայ Առաքելական եկեղեցու ԱՄՆ արևելյան թեմի առաջնորդ Խաժակ արքեպիսկոպոս Բարսամյանի և Արևելյան ԱՄՆ-ի Հայ առաքելական եկեղեցու Կիլիոկիո թեմի առաջնորդ արքեպիսկոպոս Օշագան Չոլոյանի նախագահությամբ, ԱՄՆ արևելյան ափի Հայ առաքելական եկեղեցիների հոգևոր առաջնորդների մասնակցությամբ մատուցվեց պատարագ:

Միջոցառմանը ներկա էին ԱՄՆ-ում ՀՀ դեսպան Տիգրան Սարգսյանը, ՄԱԿ-ում ՀՀ մշտական ներկայացուցիչ Զոհրաբ Մնացականյանը, Միավորված Ազգերի կազմակերպության անդամ ավելի քան 30 երկրների դեսպաններ, ներկայացուցիչներ, այլ բարձրաստիճան հյուրեր:
Պատարագից հետո Սբ. Վարդան եկեղեցու բակում հավաքված հազարավոր հայորդիներ երթով շարժվեց դեպի Թայմզ Սքուեր։

Թայմզ Սքուերում տեղի ունեցած միջոցառմանը հավաքվածներին ելույթներով դիմեցին ԱՄՆ սենատորներ Ռոբերտ Մենենդեզը, Չաք Շումերը, կոնգրեսական Ֆրանկ Փալոնը, թուրք ակտիվիստ Թաներ Աքչամը, հայտնի ամերիկահայ գրող Քրիս Բոհջալյանը և այլոք: Միջոցառման հատուկ հյուրն էր Capital Cities խմբի անդամ Սեբու Սիմոնյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր