«Քեզ հետ, Հայաստան» համերգ Կարնեգի հոլում

26 մայիսի, 2015

Հայոց ցեղասպանության 100-րդ տարելիցին նվիրված միջոցառումների շրջանակում մայիսի 26-ին Նյու Յորքի Կարնեգի սրահում տեղի ունեցավ «Քեզ հետ, Հայաստան» խորագրով համերգ` «Հովեր» պետական կամերային երգչախմբի և աշխարհահռչակ դաշնակահար Եվգենի Կիսինի կատարմամբ:

«Հովեր» երգչախումբը կատարեց Կոմիտասի, Տիգրան Մանսուրյանի, ինչպես նաև հայ այլ կոմպոզիտորների ստեղծագործություններ: Տեղի ունեցավ լեհ կոմպոզիտոր Քշիշտոֆ Պենդերեցկու Հայոց ցեղասպանության հիշատակին նվիրված «Սաղմոս 3» գործի պրեմիերան:

Համերգի երկրորդ հատվածում Կիսինը կատարեց Շոպենի մի շարք ստեղծագործություններ: Առանձնակի ոգևորությամբ ընդունվեց Կ. Սարաջյանի մշակմամբ կոմիտասյան «Կռունկ»-ի կատարումը:

Համերգի բացման խոսքով հադես եկավ ԱՄՆ-ում ՀՀ դեսպան Տիգրան Սարգսյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր