Ֆիլադելֆիայում մեկնարկեց Եվրասիական/ռուսական-ամերիկյան նորարարական տեխնոլոգիաների 20-րդ տարեկան գիտաժողովը

11 հունիսի, 2015

Հունիսի 11-ին ԱՄՆ Ֆիլադելֆիա քաղաքում մեկնարկեց Միջին Ատլանտիկ-Եվրասիական գործարար խորհրդի կողմից կազմակերպված Եվրասիական/ռուսական-ամերիկյան նորարարական տեխնոլոգիաների 20-րդ տարեկան գիտաժողովը: Գիտաժողովի բացմանը ԱՄՆ-ում ՀՀ դեսպանությունը ներկայացված էր դեսպանության առաջին քարտուղար Կարեն Իսրայելյանի կողմից:

Գիտաժողովը տեղի է ունենում հունիսի 11-ից 25-ը Ֆիլադելֆիայում, ապա` Նյու Յորքում: Միջոցառման հիմնական նպատակն էր` քննարկել Եվրասիական տնտեսական միության անդամ երկրների և ԱՄՆ միջև գործարար կապերի ամրապնդման հեռանկարները այնպիսի նորարարական տեխնոլոգիաների ոլորտում, ինչպիսիք են բիոտեխնոլոգիաները, քիմիական արդյունաբերությունը, դեղագործությունը, տեղեկատվական տեխնոլոգիաները և այլն:

Գիտաժողովի բացման արարողությանը ներկա էին վերոնշյալ բնագավառների գործարար ներակայացուցիչներ, գիտնականներ, Փենսիլվանիայի նահանգային և Ֆիլադելֆիայի քաղաքային իշխանությունների ներկայացուցիչներ, ինչպես նաև ԵԱՏՄ անդամ երկրների դիվանագետներ:

ՀՀ դեսպանության ներկայացուցիչն իր զեկույցում անդրադարձավ ԵԱՏՄ-ին Հայաստանի անդամակցության գործընթացին, ապա ներկաներին մանրամասն ներկայացրեց Հայաստանում ՏՏ ոլորտի յուրահատկությունները, գրանցած հաջողությունները և ապագա պոտենցիալը: Հատուկ շեշտադրվեց ՏՏ ոլորտում ամերիկյան արդեն իսկ արված ներդրումների հանգամանքը, կարևորվեց դրանց շարունակականությունն ապագայում: Որպես ոլորտում վերջին տարիներին գրանցված աննախադեպ հաջողության գրավական` բերվեց ոչ միայն Հայաստանում աշխատող և ստեղծագործող որակյալ մասնագետների առկայությունը, այլ նաև 2005թ.-ից ի վեր ՀՀ կառավարության հստակ աջակցությունը ՏՏ ոլորտին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր