ՀՀ փոխվարչապետ Վաչե Գաբրիելյանի հանդիպումը Քալիֆորնիայի նահանգապետ Ջերի Բրաունի հետ

16 հոկտեմբերի, 2017

Հոկտեմբերի 16-ին Հայաստանի Հանրապետության փոխվարչապետ Վաչե Գաբրիելյանը Սան Ֆրանցիսկոյում հանդիպել է Քալիֆորնիայի նահանգապետ Ջերի Բրաունի հետ` քննարկելու Հայաստան-Քալիֆորնիա հարաբերությունները, մասնավորապես` երկկողմ առևտրաշրջանառության ծավալների ընդլայնման հնարավորությունները, ինչպես նաև համագործակցությունը վերականգնվող էներգետիկայի, գիտության ու կրթության ոլորտներում: Կողմերը պայմանավորվածություն են ձեռք բերել սկսելու Հայաստանի ու Քալիֆորնիայի միջև շրջանակային համաձայնագրի մշակման գործընթացը, որը կուրվագծի հետագա համագործակցության շրջանակները:

Նահանգապետ Բրաունը ողջունել է Արարատի, Շիրակի ու Կոտայքի մարզերի կողմից Քալիֆորնիա նահանգի կառավարության նախաձեռնած Կլիմայի փոփոխություններին հակազդելու վերաբերյալ միջնահանգային գլոբալ փոխըմբռնման հուշագրի (Under 2 Coalition) ստորագրումը: Հուշագրին Հայաստանի երեք մարզերի միացմամբ` այն ստորագրած տեղական ինքնակառավարման մարմինների թիվը հասել է 190-ի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր