Հայաստանի Հանրապետության Նախագահ Արմեն Սարգսյանի մասնակցությունը ԱՄՆ Սենատում տեղի ունեցած ընդունելությանը

26 հունիսի, 2018

Ս.թ. հունիսի 26-ին եռօրյա աշխատանքային այցով ԱՄՆ է ժամանել Հայաստանի Հանրապետության Նախագահ Արմեն Սարգսյանը:

Այցի առաջին օրը Նախագահն ու Առաջին տիկինը մասնակցել են ԱՄՆ Սենատում ՀՀ դեսպանության, ՀՅԴ Արևելյան Ամերիկայի կենտրոնական կոմիտեի ու Վաշինգտոնի Հայ դատի գրասենյակի կողմից կազմակերպված ընդունելությանը` նվիրված Հայաստանի Հանրապետության ու հայ-ամերիկյան դիվանագիտական հարաբերությունների 100-ամյակին:

Միջոցառմանը խոսքով հանդես եկան Սենատոր Մենենդեսն ու մոտ մեկ տասնյակ կոնգրեսականներ, այդ թվում` Ներկայացուցիչների պալատի հայկական հարցերով հանձնախմբի համանախագահ Ջեքի Սփիըրը, կոնգրեսականներ Աննա Էշուն, Ջուդի Չուն, Բրեդ Շերմանը, Դանա Ռորաբահերը, Փոլ Տոնկոն, Ռաջա Կրիշնամուրտին, Բրեդ Շնայդերը և այլոք: Ընդունելությանը ներկա էին նաև ԱՄՆ Պետքարտուղարության, Զարգացման միջազգային գործակալության, Պաշտպանության դեպարտամենտի, ԱՄՆ Առևտրի ներկայացուցչի գրասենյակի բարձրաստիճան պաշտոնյաներ, ինչպես նաև ԱՄՆ տարբեր ծայրերից ժամանած ամերիկահայ համայնքի ներկայացուցիչներ:

Իր խոսքում Նախագահ Սարգսյանն անդրադարձավ հայ-ամերիկյան հարաբերությունների մեկդարյա պատմությանն ու դրանց ներկայիս վիճակին, ինչպես նաև ներկայացրեց «Թավշյա» հեղափոխության արդյունքում Հայաստանում տեղի ունեցող փոփոխություններն ու դրանց ազդեցությունը ՀՀ արտաքին քաղաքականության վրա:

Միջոցառմանը համերգային ծրագրով հանդես եկավ Սմիթսոնիան Ֆոլքլայֆ փառատոնին մասնակցելու նպատակով ԱՄՆ ժամանած «Նուռ» քանոնահարների անսամբլը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր