Բոստոնում Ամերիկայի Հայ Ավետարանչական ընկերակցության /ԱՀԱԸ/ կողմից կազմակերպված տարեժողովի վերաբերյալ

19 հոկտեմբերի, 2019

Ս.թ հոկտեմբերի 19-ին Բոստոնում տեղի ունեցավ Ամերիկայի Հայ Ավետարանչական ընկերակցության /ԱՀԱԸ/ կողմից կազմակերպված տարեժողովը, որը նվիրված էր կազմակերպության գործունեության հարյուրամյակին:
ԱՄՆ-ում ՀՀ դեսպան Վարուժան Ներսեսյանը, իր ելույթում կարևորեց Ընկերակցության կողմից հարյուր տարիների ընթացքում ծավալած մարդասիրական գործունեությունը և այն դերակատարությունը, որը կազմակերպությունը ստանձնել է հայերի համար դժվարին պահերին: Այս համատեքստում, առանձնահատուկ անդրադարձ կատարվեց Ընկերակցության կողմից Ցեղասպանությունից փրկված և ԱՄՆ-ում ու այլ երկրներում հաստատված հայերին տրամադրված նյութական, հոգևոր, սոցիալական և կրթական օժանդակությանը։ Անդրադառնալով 1988թ ավերիչ երկրաշարժին` դեսպանն ընդգծեց, որ Ընկերակցությունը առաջիններից էր, որ սատար կանգնեց բնական աղետից տուժած իր հայրենակիցներին։
Դեսպան Ներսեսյանը նշեց, որ Հայաստանի անկախության առաջին տարիներից ի վեր Ընկերակցությունը շարունակում է տարբեր ոլորտներում իր օգնությունը ցուցաբերել մեր պետությանը: Հատուկ շեշտվեց, որ անգնահատելի է եղել Արցախյան ազատագրական պայքարի տարիներին Հայաստանի Հանրապետությանն ու Արցախին Ընկերակցության տրամադրած աջակցությունը:
Ելույթի ավարտին դեսպանը վստահություն հայտնեց, որ Ամերիկայի Հայ Ավետարանչական ընկերակցությունը շարունակելու է հաջողությամբ իրականացնել իր առաքելությունը Սփյուռքում և հայրենիքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր