ՀՀ դեսպան Վարուժան Ներսեսյանի հեռախոսազրույցը ԱՄՆ Կոնգրեսի Ներկայացուցիչների պալատի անդամ Լիզ Չեյնիի հետ

22 հուլիսի, 2020

Հուլիսի 22-ին ԱՄՆ-ում ՀՀ դեսպան Վարուժան Ներսեսյանը հեռախոսազրույց ունեցավ ԱՄՆ Կոնգրեսի Ներկայացուցիչների պալատի անդամ Լիզ Չեյնիի հետ:
Զրուցակիները քննարկեցին հայ-ամերիկյան հարաբերությունների, մասնավորապես երկու պետությունների օրենսդիր մարմինների միջև համագործակցության զարգացմանն ուղղված մի շարք հարցեր:
Դեսպանը կոնգրեսականին ներկայացրեց Հայաստանի կառավարության կողմից իրականացվող ժողովրդավարական բարեփոխումների օրակարգը և այդ կապակցությամբ կարևորեց ԱՄՆ կողմից ցուցաբերվող աջակցությունը:
Վարուժան Ներսեսյանը ներկայացրեց ՀՀ դիրքորոշումը Ադրբեջանի գործողությունների արդյունքում հուլիսի 12-ից հայ-ադրբեջանական սահմանի որոշ հատվածներում ստեղծված լարվածության շուրջ վերջին զարգացումների, այդ թվում` ադրբեջանական զինված ուժերի կողմից հրադադարի ռեժիմի խախտման, քաղաքացիական ենթակառուցվածքների և բնակչության թիրախավորման վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր