Դեսպան Ներսեսյանի հեռավար հանդիպումը կոնգրեսական Շիֆի հետ

17 փետրվարի, 2021

Ս.թ. փետրվարի 17-ին ԱՄՆ-ում ՀՀ դեսպան Վարուժան Ներսեսյանը առցանց հանդիպում ունեցավ կոնգրեսական Ադամ Շիֆի հետ:

Դեսպանն իր երախտագիտությունը հայտնեց մշտական աջակցության և Կոնգրեսի ուշադրությունը հայկական հարցերի վրա բևեռելու համար:

Դեսպան Ներսեսյանը մանրամասն ներկայացրեց ադրբեջանա-թուրքական ագրեսիան Արցախի դեմ և 44-օրյա պատերազմին հաջորդած հսկայական հումանիտար ճգնաժամի վերաբերյալ: Այդ համատեքստում դեսպանը շեշտեց հայ ռազմագերիների, գերեվարված քաղաքացիականների անհապաղ ու առանց նախապայմանների ազատ արձակման կարևորությունը:

Զրուցակիցները քննարկեցին ինքնորոշման իրավունքի հիման վրա արցախյան հակամարտության քաղաքական խաղաղ կարգավորումը՝ ԵԱՀԿ Մինսկի համանախագահների հովանո ներքո:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր