Դեսպան Ներսեսյանի դասախոսություը Լյութերյան քոլեջի ուսանողների համար

07 ապրիլի, 2021

Ս.թ. ապրիլի 7-ին, Լյութերյան քոլեջի վաշինգտոնյան կիսամյակի դասընթացի շրջանակներում, ԱՄՆ-ում ՀՀ դեսպան Վարուժան Ներսեսյանը դասախոսությամբ հանդես եկավ ամերիկյան մի շարք համալսարանների ուսանողների համար:

Դասախոսության ընթացքում դեսպանը հակիրճ ներկայացրեց Հայաստանն ու արտաքին քաղաքականության առաջնահերթությունները: Դեսպանը կարևորեց Լեռնային Ղարաբաղի հիմնախնդիրը՝ ընդգծելով Ադրբեջանի կողմից Արցախի դեմ սանձազերծված պատերազմից հետո առկա մարտահրավերներն ու հումանիտար ճգնաժամը: Այս համատեքստում դեսպանը շեշտեց հայ ռազմագերիների ո գերեվարված քաղաքցիականների հանդեպ իրականացված անմարդկային վերաբերմունքը, որոնք առկա են սոցիալական հարթակներում ներբեռնված տեսանյութերում:

Դեսպան Ներսեսյանն անդրադարձ կատարեց Հայոց ցեղասպանությանը և կարևորեց միջազգային ճանաչումը՝ որպես ապագա ցեղասպանությունների կանխարգելման միջոց: Այս համատեքստում դեսպանը նշեց նաև Թուրքիայի կողմից վարվող ժխտողական քաղաքականությունը:

Դեսպանը ևս մեկ անգամ երախտագիտություն հայտնեց Հայոց ցեղասպանությունը ճանաչած երկրներին և կարևորեց 2019թ. ԱՄՆ Կոնգրեսի ընդունած բանաձևերն ու հույս հայտնեց, որ ընթացիկ տարվա ապրիլի 24-ին տեղի կունենա ամենաբարձր մակարդակով ճանաչումը:

Դասախոսությունը շարունակվեց հարց ու պատասխան ձևաչափով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր