Դեսպան Մակունցի հեռավար հանդիպումը ԱՄՆ Խաղաղության Կորպուսի տնօրենի պաշտոնակատար Քերոլ Սպանի հետ

21 սեպտեմբերի, 2021

Սեպտեմբերի 21-ին ԱՄՆ-ում ՀՀ դեսպան Լիլիթ Մակունցը հեռավար հանդիպում ունեցավ ԱՄՆ Խաղաղության Կորպուսի տնօրենի պաշտոնակատար Քերոլ Սպանի և ղեկավար կազմի հետ։

Դեսպանն ընդգծեց երկու տասնամյակների ընթացքում Հայաստանում Խաղաղության կորպուսի առաքելության կարևորությունը, մասնավորապես այն ծրագրերը, որոնք կամավորների կողմից իրականացվել են կրթության, համայնքների զարգացման և այլ ոլորտներում:

Այդ համատեքստում դեսպանն առաջարկեց քննարկել Հայաստանում առաքելության ծրագրի ընդլայնման և նոր նախագծեր ներառելու հնարավորությունը:

Խաղաղության կորպուսի ղեկավարությունը պատրաստակամություն հայտնեց քննարկել նշյալ առաջարկը և շարունակել սերտորեն աշխատել Հայաստանի կառավարական մարմինների հետ հետագա համագործակցության ընլդայնման ուղղությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր