ՀՀ դեսպանությունում տեղի ունեցավ ԱՄՆ-ում ՀՀ նախկին փոխդեսպան, դիվանագետ, լեզվաբան, փաստաբան Արմեն Խարազյանի հիշատակին նվիրված միջոցառում

07 սեպտեմբերի, 2023

Ս․թ․ սեպտեմբերի 7-ին ՀՀ դեսպանությունում տեղի ունեցավ ԱՄՆ-ում ՀՀ նախկին փոխդեսպան, դիվանագետ, լեզվաբան, փաստաբան Արմեն Խարազյանի հիշատակին նվիրված միջոցառում, որին ներկա էին նրա ընտանիքի անդամները, հարազատները, գործընկերներն ու ընկերները։

Միջոցառման ընթացքում ելույթներով հանդես եկան Ա․ Խարազյանի կինը՝ Քրիստինե Խարազյանը, զավակները՝ Զարինե և Արա Խարազյանները, դեսպան Լիլիթ Մակունցը, ԱՄՆ-ում Էստոնիայի փոխդեսպան Մարգուս Սարգլեպը, Ատլանտյան խորհրդի Եվրասիա կենտրոնի տնօրեն Էնդրյու Դ’Անիերին, Ամերիկայի հայկական համագումարի գործադիր տնօրեն Բրայան Արդունին, Հայ իրավաբանների միության ներկայացուցիչ, Ջորջ Վաշինգտոնի համալսարանի իրավաբանության դպրոցի դեկան Արամ Գավուրը, «Արդարություն Հայաստան» կազմակերպության խորհրդի անդամ Արա Արազը, Իրավաբանների դաշնային ասոցիացիայի ներկայացուցիչ Ռիչարդ Թեյսը, ով հանձնեց Ա․ Խարազյանին հետմահու շնորհված Ասոցիացիայի պարգևը, ցուցադրվեց նաև Ա․ Խարազյանի հիշատակին նվիրված կարճ ֆիլմ։

Միջոցառման ավարտին ջութակահարուհի Քրիստինե Խարազյանը և դաշնակահարներ Լևոն Միքայելյանն ու Էնդրյու Քրաուսը հանդես եկան երաժշտական կատարումներով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր