Մասաչուսեթսի նահանգային պալատում տեղի է ունեցել Հայոց ցեղասպանության 109-րդ տարելիցին նվիրված միջոցառում

19 ապրիլի, 2024

Ս․թ․ ապրիլի 19-ին Մասաչուսեթսի Հայոց ցեղասպանության ոգեկոչման կոմիտեի կազմակերպմամբ Մասաչուսեթսի նահանգային պալատում տեղի է ունեցել Հայոց ցեղասպանության 109-րդ տարելիցին նվիրված միջոցառում։ Շուրջ 300 ներկաների մասնակցությամբ միջոցառումը վարել է Նահանգի ներկայացուցիչների պալատի անդամ Դեյվիդ Կ. Մուրադյանը, գլխավոր բանախոսն է եղել դատավոր Գաբրիել Վոլոհոջյանը։ Նահանգի սենատոր Ուիլ Բրաունսբերգերը ներկայացրել է Մասաչուսեթսի պալատի և Սենատի համատեղ երկու բանաձև, որոնցից մեկով մեծարվել է Հայոց ցեղասպանության տարիներին ապրած վերջին հայերից մեկը՝ 110-ամյա Մերի Վարդանյանը, իսկ մյուսով՝ «Armenian Tree Project» նախագիծը, որն իր գրեթե 30-ամյա գործունեության ընթացքում , Հայաստանում տնկել է ավելի քան ութ միլիոն ծառ:

Միջոցառմանը ԱՄՆ-ում ՀՀ դեսպանությունը ներկայացրել է դեսպանության մշակութային հարցերով խորհրդական Շողագ Հովանեսսեանը, ով փոխանցել է դեսպան Լիլիթ Մակունցի ուղերձը՝ նվիրված Հայոց ցեղասպանության 109-րդ տարելիցի ոգեկոչմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր