«Գյուրջիև» անսամբլի համերգը Վարշավայում

09 նոյեմբերի, 2024

Նոյեմբերի 9-ին Վարշավայի Բոլոր սրբերի եկեղեցում Կենտրոնական և Արևելյան Եվրոպայի երաժշտության «Eufonie» 6-րդ միջազգային փառատոնի շրջանակում տեղի ունեցավ «Գյուրջիև» անսամբլի համերգը։

Համույթը՝ գեղարվեստական ղեկավար և դիրիժոր Լևոն Էսկենյանի ղեկավարությամբ լեհ ունկնդիրներին ներկայացրեց «Զարթիր» խորագրով ալբոմը, որտեղ վերաիմաստավորվել է հայազգի մեծանուն մտավորական, հոգևոր ուսուցիչ, կոմպոզիտոր, պարուսույց և փիլիսոփա Գեորգի Գյուրջիևի երաժշտությունը՝ ժողովրդական գործիքավորմամբ։ Հնչեցին նաև հայ աշուղների և բանաստեղծների՝ Պաղդասար Դպիրի, Սայաթ-Նովայի և Գուսան Ջիվանու ստեղծագործությունների մշակումները։

Ամենամյա փառատոնը կազմակերպվում է Լեհաստանի Մշակույթի և ազգային ժառանգության նախարարության և Մշակույթի ազգային կենտրոնի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր