Նարեկ Մկրտչյանը հանդիպել է Մասաչուսեթսի տեխնոլոգիական ինստիտուտի (MIT) ակադեմիական ղեկավար, պրոֆեսոր Անանթա Չանդրակասանին

06 օգոստոսի, 2026

Բոստոն կատարած աշխատանքային այցի շրջանակում ԱՄՆ-ում ՀՀ դեսպան Նարեկ Մկրտչյանը հանդիպել է Մասաչուսեթսի տեխնոլոգիական ինստիտուտի (MIT) ակադեմիական ղեկավար, պրոֆեսոր Անանթա Չանդրակասանին՝ քննարկելու Հայաստանի հետ համատեղ ծրագրերի իրականացման և ինստիտուցիոնալ համագործակցության հաստատման հնարավորությունները։

Հանդիպման առանցքային թեման եղել է Հայաստանի «Ակադեմիական քաղաք» նախագծի շուրջ համագործակցության հեռանկարը։

Կողմերը քննարկել են MIT-ի փորձի և փորձագիտական ներուժի ներգրավման հնարավորությունները՝ նպաստելու նախագծի մշակման և իրականացման գործընթացին։ MIT-ի ակադեմիական ղեկավարն ընդգծել է «Ակադեմիական քաղաք» նախաձեռնության կարևորությունը և պատրաստակամություն հայտնել համագործակցել հայկական կողմի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր