Հայաստանի անկախության 21-րդ տարեդարձին նվիրված միջոցառում ԱՄՆ Օհայո նահանգի Քլիվլենդ քաղաքում

21 սեպտեմբերի, 2012

Սեպտեմբերի 21-ին ԱՄՆ Օհայո նահանգի Քլիվլենդ քաղաքի քաղաքապետարանում տեղի է ունեցել միջոցառում՝ նվիրված Հայաստանի Հանրապետության անկախության 21-այմակին, որին ներկա էին քաղաքապետ Ֆրանկ Ջեքսոնը, բարձրաստիճան այրեր, համայնքային կառույցների ղեկավարներ եւ հայ համայնքի երկու հարյուրից ավելի ներկայացուցիչներ:

Շնորհավորելով ներկաներին անկախ պետականության 21-րդ տարեդարձի առթիվ՝ Քլիվլենդի քաղաքապետը կարևորել է Հայաստանի Հանրապետության անկախության 21-ամյակի կապակցությամբ ընդունված Հռչակագիրը, որում, մասնավորապես, նշվում է, որ «Հայաստանը, լինելով առաջին քրիստոնյա պետությունը, 1915թ. Հայոց ցեղասպանությունից հետո հիմնել է Հայաստանի Առաջին ժողովրդավարական Հանրապետությունը, իսկ 1991թ. սեպտեմբերի 21-ին առանց որեւէ արտաքին ուժի միջամտության վերականգնել իր անկախությունը»: Հռչակագիրը բարձր է գնահատում այն փաստը, որ Հայաստանը դարձել է ամուր միջազգային կապեր ունեցող բարգավաճ, խաղաղ եւ անվտանգ երկիր, ինչպես նաեւ պաշտպանել է Լեռնային Ղարաբաղի ազատությունը: Ըստ Հռչակագրի՝ Հայաստանը մոդել է տարածաշրջանի երկրների համար:

Փաստաթղթում նշվում է նաեւ, որ «Քլիվլենդը հպարտ է հյուրընկալելու հայկական կենսունակ համայնքին, որի հարուստ մշակույթը եւ ընտանեկան արժեքները հայ-ամերիկյան կրոնական, սոցիալական եւ մշակութային բազմաթիվ կազմակերպությունների միջոցով փոխանցվում են ապագա սերունդներին»:

Այնուհետեւ տեղի է ունեցել հայկական եռագույնի բարձրացման հանդիսավոր արարողություն Քլիվլենդի քաղաքապետարանի Ռատունդայում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր