Դեսպան Մարգարյանի դասախոսությունը Վաշինգտոնի Ջոն Հոպկինսի համալսարանում

14 նոյեմբերի, 2012

ԱՄՆ-ում ՀՀ դեսպան Թ.Մարգարյանը Վաշինգտոնի Ջոն Հոպկինսի համալսարանի Միջազգային հարաբերությունների դպրոցի (SAIS) հրավերով դասախոսություն կարդաց հակամարտությունների տեսության ծրագրի ուսանողների համար: Դասախոսության թեման Լեռնային Ղարաբաղի հիմնախնդիրն էր:

Դեսպան Մարգարյանը ներկայացրեց ՀՀ արտաքին քաղաքականությունը ԼՂ հիմնախնդրի կարգավորման հարցում, ԼՂ հակամարտության արդի փուլը, բանակցային գործընթացը և հակամարտության կարգավորման հեռանկարները: Դասախոսությունից հետո ՀՀ դեսպանը պատասխանեց ծրագրի պրոֆեսորադասախոսական կազմի և ուսանողների բազմաթիվ հարցերի, որոնք հիմնականում վերաբերում էին ԼՂ հակամարտության կարգավորման մանրամասներին, բանակցային գործընթացին, տարածաշրջանային զարգացումներին, հասարակությունների դերակատարությանը և այլն:

Հակամարտությունների տեսության ծրագրի ուսանողները Միջազգային հարաբերությունների դպրոցի պրոֆեսոր Վ. Զարթմանի ղեկավարությամբ առաջիկայում նախատեսում են այցելել Հայաստան և ԼՂՀ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր