Հայաստանի անկախությանը նվիրված միջոցառում ԱՄՆ-ում

27 սեպտեմբերի, 2013

Սեպտեմբերի 27-ին ՀՀ Անկախության 22-ամյակին նվիրված տոնական միջոցառումների շրջանակներում ԱՄՆ-ում ՀՀ դեսպանատանը Համազգային հայ կրթական եւ մշակութային միության հետ համատեղ կազմակերպվեց համայնքային միջոցառում՝ ՀՀ վաստակավոր արտիստ, ասմունքող Սիլվա Յուզբաշյանի մասնակցությամբ:

ԱՄՆ-ում ՀՀ դեսպան Թաթուլ Մարգարյանի՝ միջոցառման մասնակիցներին ուղղված շնորհավորանքի ուղերձում բարձր գնահատվեց արտերկրում անկախ Հայաստանի մշակութային հարստության ներկայացմանն ուղղված գործունեությունը՝ նշելով, որ միջպետական հարաբերությունների եւ Հայաստան-Սփյուռք կապերի ամրապնդման գործում ուրույն դեր ունեն մշակութային դիվանագիտությունը, մշակութային միջոցառումները:

Հայաստանի անկախության տարելիցի կապակցության իրենց ջերմ շնորհավորանքները եւ բարեմաղթանքները հղեցին նաեւ հայ համայնքի եւ եկեղեցու առաջնորդները:

Երեկոն, որի ընթացքում հանդիսատեսին ներկայացվեցին հայ դասականների հայրենասիրական թեմաներով ստեղծագործությունները, անցավ ջերմ եւ ոգեշնչող մթնոլորտում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր