Ամերիկահայ բժիշկների կազմակերպության 20-ամյակին նվիրված միջոցառում Նյու Յորքում

22 նոյեմբերի, 2014

Նոյեմբերի 22-ին Նյու Յորքում տոնական միջոցառմամբ նշվեց Ամերիկահայ բժիշկների կազմակերպության 20-ամյակը: Միջոցառմանը ներկա էին ԱՄՆ-ում ՀՀ դեսպան Տիգրան Սարգսյանը, Հայ առաքելական եկեղեցու ԱՄՆ Արեւելյան թեմի առաջնորդ Խաժակ արքեպիսկոպոս Պարսամյանը, ամերիկահայ համայնքի առաջնորդներ, համայնքային տարբեր կազմակերպությունների ղեկավարներ եւ համայնքի բազմաթիվ ներկայացուցիչներ:

ԱՄՆ Արևելյան թեմի առաջնորդ Խաժակ արքեպիսկոպոս Պարսամյանը Ամերիկահայ բժիշկների կազմակերպության անդամ բժիշկ Ռաֆֆի Հովհաննիսյանին հանձնեց Ամենայն Հայոց Կաթողիկոսի կոնդակով շնորհված Հայ Առաքելական Եկեղեցու «Սուրբ Ներսես Շնորհալի» պատվո շքանշանը:

Երեկոյի ընթացքում պատվավոր պարգեւներ ստացան նաեւ Ամերիկահայ բժիշկների կազմակերպության հիմնադիր հայրեր Նաբեթ Քասաբյանը, Խորեն Նալբանդյանը եւ Ջոն Ներսեսյանը:

Դեսպան Սարգսյանը կազմակերպության անդամ, բժիշկ, բարերար Ռաֆֆի Հովհաննիսյանին հանձնեց նշանակալի բարեգործական գործունեության համար ՀՀ Նախագահի կողմից շնորհված Մխիթար Հերացի մեդալը` նշելով, որ այս մեդալը բժիշկ Հովհաննիսյանի հայանպաստ գործունեության արժանի գնահատականն է:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր