Հայոց ցեղասպանության զոհերի հիշատակին նվիրված միջոցառում

24 ապրիլի, 2021

Ս.թ. ապրիլի 24-ին Վաշինգտոնում ՀՀ դեսպանության տարածքում տեղի ունեցավ Հայոց ցեղասպանության անմեղ զոհերի հիշատակին նվիրված միջոցառում:

Միջոցառմանը մասնակցում էին հոգևոր առաջնորդներ, ամերիկահայ համայնքի ներկայացուցիչներ, ամերիկացի նախկին դեսպաններ:

Միջոցառումը մեկնարկեց աղոթքով, որին հետևեց ծաղկեպսակի զետեղման արարողություն:

ԱՄՆ-ում ՀՀ դեսպան Վարուժան Ներսեսյանը իր խոսքում կարևորեց Հայոց ցեղասպանության ճանաչումը՝ որպես ապագա ցեղասպանությունների կանխարգելման ամենաարդյունավետ միջոց: Դեսպան Ներսեսյանը անդրադարձավ Հայոց ցեղասպանությունը ճանաչող՝ 2019թ. ԱՄՆ Կոնգրեսի կողմից ընդունված բանաձևերին և իր խորին երախտագիտությունը հայտնեց նախագահ Ջ. Բայդենին՝ տարիներ ի վեր իր ջանքերի համար, որոնք միտված էին Հայոց ցեղասպանության ճանաչմանը, ինչը իր հստակ արտացոլումը գտավ ապրիլքսանչորսյան ուղերձում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր