Հունիսի 24-27-ը ԱՄՆ-ում ՀՀ դեսպանությունը կազմակերպեց Հայաստան-ԱՄՆ խորհրդարանական բարեկամության խմբի անդամների այցը Վաշինգտոն

24 հունիսի, 2025

Հունիսի 24-27-ը ԱՄՆ-ում ՀՀ դեսպանությունը կազմակերպեց Հայաստան-ԱՄՆ խորհրդարանական բարեկամության խմբի անդամների այցը Վաշինգտոն։ Պատվիրակությունը ղեկավարում էր ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը։ Պատվիրակության կազմում էին ԱԺ պատգամավորներ Արուսյակ Ջուլհակյանը, Մարիա Կարապետյանը և Գեղամ Նազարյանը։

Այցի ընթացքում պատվիրակությունը մի շարք հանդիպումներ է ունեցել ԱՄՆ Կոնգրեսի ներկայացուցիչների պալատի անդամների, վերլուծական և ուղեղային կենտրոնների ներկայացուցիչների հետ։

Պատվիրակությունը հանդիպում է ունեցել ԱՄՆ կոնգրեսի արտաքին հարաբերությունների հանձնաժողովի նախագահ Բրայան Մասթի հետ։ Այցի ընթացքում կայացել է կլոր սեղան քննարկում Կոնգրեսում Հայաստանի հետ բարեկամության խմբի անդամների հետ։ Եվրոպայում անվտանգության և համագործակցության (Հելսինկիի) կոմիտեում կազմակերպվել են հանրային լսումներ «Պատմական հնարավորություն՝ առաջ մղելու Հայաստան-Ադրբեջան խաղաղության համաձայնագիրը» թեմայով, որին որպես բանախոս մասնակցել է ԱԺ պատգամավոր Մարիա Կարապետյանը։

Հանդիպումներ են կայացել կոնգրեսականներ Քարոլ Միլլերի (Հ), Յանգ Քիմի (հ), Դեյվիդ Վալադաոյի (Հ), Ռոբերտ Ադերհոլթի (Հ), Դելիա Ռամիրեսի (Դ) հետ։ Հանդիպումներ են կայացել նաև Ներկայացուցիչների պալատի՝ Ժողովրդավարության աջակցության կոմիտեի (House Democracy Partnership) նախագահ Վերն Բյուքենանի (Հ) և ավագ ներկայացուցիչ (Ranking member) Դինա Թայթուսի (Դ) հետ։

Այցի ընթացքում պատվիրակությունը հանդիպումներ է ունեցել նաև ԱՄՆ-ում խոշորագույն հրեական կազմակերպությունների՝ AIPAC-ի և AJC-ի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր